बोट राइड

 मी असंख्य वेळा बोटींनी प्रवास केला आहे आणि विविध प्रकारच्या बोटींचा अनुभव घेतला आहे. सामान्यतः आम्ही केवळ उन्हाळ्यात बोटीतून प्रवास करतो. माझी आवडती बोट पॅडल बोट आहे, कारण त्यात बसणे आणि चालवणे आरामदायक आहे, अगदी सायकल चालवण्यासारखे. आम्ही सहसा तलावावर एका किनाऱ्यापासून दुसऱ्या बाजूला तासभर प्रवास करतो. पाण्यातील लहरा, मंद वारा, आणि गप्पागोष्टीं मुळे हा प्रवास मनोरंजक ठरतो. मी नेहमी सर्फिंग करण्याचा प्रयत्न करतो, परंतु सर्फबोर्ड आणि सर्फिंग हाताळण्याची परिपक्वता माझ्यात येई पर्यंत मी पॅडल बोट चालवत राहील.

मी रोइंग बोट चालवण्याचा हि प्रयत्न केला आहे, पण त्यासाठी खूप ताकद लागते. पन्हाळ उचलण्यासाठी खूप शक्ती लागते आणि प्रवाहाच्या विरुद्ध दिशेने जाताना लगेचच थकवा जाणवतो. मी एकदा पन्हाळ चालवायचा प्रयत्न करून बघितला आणि लगेचच पन्हाळ वडिलांना दिले.

अधून मधून आम्ही मोटार बोटीने प्रवास केला आहे. बोटीचा वेग वाढल्यावर मागच्या बाजूने वाहणाऱ्या पाण्याचे दृश्य चित्तथरारक दिसते. एकदा दोन कुटुंबे, आम्ही आणि आमचे मित्र मिळून एका मोठ्या मोटरबोटने प्रवास केला. सगळ्यांनी आनंदाने बोट चालत असताना इंजिनच्या आवाजापेक्षा मोठ्या आवाजात गाणे गायले.

सिएटलमधील प्यूजेट साऊंड पासून लहान बेटांदरम्यान असंख्य मोठ्या फेरी (प्रवासी बोटी) चालतात. बोटीच्या डेकवर उभे राहण्यास रोमांचकारी वाटते, परंतु थंड वार्याच्या लहरींमुळे आपण जास्त वेळ तिथे उभे राहू शकत नाही. या फेरी आपल्या गाड्या खालच्या डेकवरून नेतात. फेरी घाटावर पोहोचल्यानंतर आपण आरामात फेरीतून कार बाहेर काढू शकतो. फेरीमध्ये रेस्टॉरंट्स, दुकाने, आराम खुर्च्या, पादचारी जागा, पाहण्यासाठी डेक अशा बर्याच सुविधा असतात ज्यामुळे या फेरीचा आकार भव्य होतो. 

लांबच्या परावासासाठी क्रूझ जहाज हा एक अप्रतिम पर्याय आहे. या जहाजांवर बरेच काही करण्यासाठी असते, जसे, खेळणे, खाणे, नृत्य करणे झोपणे, आणि खूप काही. आम्ही दोनदा समुद्र पर्यटनासाठी क्रूझने गेलो आहोत. एकदा यूएस ते कॅनडा आणि दुसऱ्यांदा यूएस ते मेक्सिको. हे दोन्ही प्रवास अतिशय आनंददायी होते. एकदा तुम्ही समुद्रपर्यटनाचा अनुभव घेतला की, तुम्हाला पुन्हा जावेसे वाटेल.

छोटी बोट असो किंवा मोठे जहाज, त्यावरून प्रवास करणे नेहमीच आकर्षक असते. जेव्हा आपण बोटी आणि जहाजांबद्दल बोलतो तेव्हा मच्छिमारांची आठवण येते. हे धाडसी लोकं पाऊस, वादळ आणि इतर नैसर्गिक आपत्तींचा सामना करत, स्वतःचा जीव धोक्यात घालून आपल्यासाठी मासे पकडून आणतात. मी या मच्छिमारांचा आभारी ज्यांच्यामुळे आपल्याला स्वादिष्ट मासे खायला मिळतात.


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

हिमवर्षाव

हिवाळा सुरू झाला की मी बर्फाच्या दिवसाची वाट पाहतो. आकाशातून बर्फ पडताना खूप सुंदर दिसतो. तो हवेत तरंगत हळुवारपणे जमिनीवर पडतो. कधीकधी तो पावसासारखे जलद आणि जोरात पडतो. बर्फ पडताच, जमीन हळूहळू पांढऱ्या पडद्या सरखी दिसते. घराचे छप्पर, झाडाच्या फांद्या, रस्ता, गवत सर्व पांढरे होतात. बर्फाळ दिवशी गाडी चालवताना, विंडशील्डवर बर्फ पडणे हे एक सुंदर दृश्य असते. विंडशील्ड वाइपर बर्फ दूर ढकलत असताना बर्फ परत येतो आणि विंडशील्डवर पुन्हा पुन्हा चिकटतो हे पाहणे खूप रोमांचक असते. वारा बर्फाने भरलेला असतो आणि तुम्ही जिथे जिथे पहाल तिथे ते बर्फाचे ठिपके म्हणून दिसत असतात. बर्फ पडत असताना प्रवास करणे हा एक वेगळाच अनुभव असतो.  जेव्हा बर्फ पडतो आणि सर्व रस्ते बंद होतात, तेव्हा आम्ही बर्फाची खेळणी बनवायला जातो. बर्फाचा ढीग करून तो एका जागी आणून एक मोठे गोल डोके, गाजर असलेले नाक आणि पोकळ डोळे बनवून स्नोमॅन बनवतो. खूप मजा येते. सर्व बर्फ गोळा केल्याने हात गोठतील म्हणून आम्ही थंडीसाठीचे कपडे घालतो. आम्ही मोठे गुडघ्यापर्यंतचे बूट, दोन किंवा तीन थरांचे कपडे, हातमोजे आणि थंड हवामानाला अनुकूल लोकरीची टो...
अधिक वाचा

हॅलोविन

हॅलोविन हा सण माझ्या आवडत्या सणांपैकी एक आहे. हा सण दरवर्षी ३१ ऑक्टोबरला साजरा केला जातो. या दिवशी आपल्याला वेगवेगळ्या प्रकारच्या मिठाया मिळतात आणि पोशाख घालता येतात. शेजारच्या मित्रांसोबत आम्ही ‘ट्रिक ऑर ट्रीट’ साठी फिरतो आणि जास्तीत जास्त टॉफी आणि चॉकलेट गोळा करण्याचा आनंद घेतो. हा एक अतिशय मजेदार सण आहे , आणि मला दरवर्षी या उत्सवाची खूप उत्सुकता असते. प्रत्येक वर्षी, आम्ही मोठे भोपळे (पंपकिन्स) आणतो आणि कुटुंबातील सर्व सदस्य मिळून त्यावर कलाकुसर करतात. भोपळ्यांना आम्ही डोळे, नाक आणि तोंड कोरून एक चेहरा तयार करतो. भोपळ्यावर कोरलेले चेहरे पाहणे खूप रोमांचक वाटते, आणि जेव्हा त्यामध्ये प्रकाश टाकतो , तेव्हा त्याचा उजळलेला चेहरा पाहून खूप आनंद होतो. भोपळ्यांसोबत आम्ही हॅलोविनच्या विविध मूर्ती आणि सजावट ठेवतो, त्यामुळे संपूर्ण घर आणि अंगण हॅलोविनच्या वातावरणाने भारलेले असते. दरवर्षी, मी हॅलोविनसाठी एक नवा पोशाख विकत घेतो. यावर्षी मी बॅटमॅनचा पोशाख घ्यायचे ठरवले आहे. हॅलोविनसाठी खास दुकानं उघडली जातात , जिथे नवीन कपडे आणि सजावटीच्या वस्तू विक्रीसाठी उपलब्ध असतात. भीतीदायक मुख...
अधिक वाचा

डब्बा पार्टी - Potluck

पॉटलक (डब्बा पार्टी)  म्हणजे मित्र आणि कुटुंबीय एकत्र येऊन स्वादिष्ट अन्नाचा आनंद घेणे. आम्ही सहसा आठवड्याच्या शेवटी एकमेकांच्या घरी भेटतो. एकत्र जेवतो, खेळ खेळतो आणि अनेकदा चित्रपट पाहतो. मुले एक गट म्हणून खेळतात आणि मोठी माणसे वेगळ्या गटात. सर्वांसोबत वेळ घालवणे आणि खेळणे खूप मजेदार असते. पॉटलकच्या रात्री आम्ही बहुतेक वेळा त्यांच्याच घरी थांबतो आणि दुसऱ्या दिवशी घरी परततो. कधी कधी लोक वेगवेगळे नवीन पदार्थ बनवतात. प्रत्येक जण एक पदार्थ आणतो. कोणी सांबर, कोणी भाज्या, स्नॅक्स, भाताचे प्रकार किंवा चाट तर कोणी रसम आणतो. काही वेळा काही लोक हॉटेलमधूनही अन्न आणतात. पॉटलक सहसा हिवाळ्यात होतो, जेव्हा बाहेर जाणे कठीण असते. विविध पदार्थ पाहणे आणि त्यांचा आस्वाद घेणे मनाला मोहून टाकते. एकत्र जमून, गोल करून बसून गप्पा मारत जेवण्याचा आनंद काही औरच असतो. डोसा, वडे, पोळ्या, पाव भाजी  असे चविष्ट पदार्थ ताटात वाढले जातात. आम्ही सगळे मिळून हसत-खेळत गप्पा मारतो आणि वेगवेगळ्या पदार्थांचा आस्वाद घेतो. काही जणांना जेवण्यापेक्षा खेळण्यात अधिक रस असतो, तर काही जण फक्त पदार्थांची चव चाखण्यात गुंग हो...
अधिक वाचा