माझा वाढदिवस

माझ्या वाढदिवसाच्या एक आठवडा आधीच मी माझ्या आई-वडिलांसोबत वाढदिवसाच्या तयारीबाबत चर्चा सुरू करतो. माझा वाढदिवस हिवाळ्यात येतो, त्यामुळे तो आतल्या जागेतच (ईनडोर) साजरा करावा लागतो. पण माझ्या भावाचा वाढदिवस उन्हाळ्यात येतो, त्यामुळे तो उघड्या मैदानात किंवा बागेत साजरा केला जातो. आम्ही आमच्या मित्रांना आमंत्रित करतो, आणि ते आम्हाला सुंदर भेटवस्तू देतात. त्याबदल्यात, आम्ही त्यांना एक स्मृतिचिन्ह (रिटर्न गिफ्ट) देतो.

आम्ही दरवर्षी एक नवीन ठिकाण निवडतो, जसे की बाउन्सिंग हाऊस, गोकार्ट रेसिंग, किंवा अगदी इनडोअर फुटबॉल ग्राउंड. एकदा आम्ही वाढदिवसाला फुटबॉल कोर्ट बुक केला होता आणि आम्ही सगळ्यांनी मिळून तासन्‌तास फुटबॉल खेळलो. त्यावेळी आमचा उत्साह पाहण्यासारखा होता!

माझ्या भावाच्या वाढदिवसाला मात्र कोणतेही निर्बंध नसतात. तो बाहेर बागेत साजरा केला जातो, त्यामुळे वेळेची कसलीही मर्यादा नसते. तिथे आम्ही भरपूर खेळतो, गोड-धोड खातो, आणि भरपूर मजा करतो. घराच्या आतल्या जागांना वेळेची मर्यादा असते, पण बाहेरच्या जागांसाठी असा कोणताही अडथळा नसतो. त्यामुळे त्याच्या वाढदिवसाला धमाल येते.

आम्ही दरवर्षी नवीन डिझाइनचा केक मागवतो. मला कार, पोकेमॉन, आणि सुपरहिरोच्या आकाराचे केक खूप आवडतात. योग्य डिझाइन निवडणं हे माझ्यासाठी खूप रोमांचक असतं. म्हणूनच मी बेकरीत जाऊन वेगवेगळे केक पाहतो आणि सर्वात भन्नाट केक ऑर्डर करतो. चवही तितकीच महत्त्वाची असते, आणि म्हणून मी नेहमी आंब्याचा स्वाद  (मॅंगो फ्लेवर) असलेला केक निवडतो.

आमच्या वाढदिवसाच्या दिवशी वडील भारतात अनाथ आश्रमात मुलांना अन्नदान करतात. आमच्या वाढदिवसाच्या दिवशी शेकडो मुले चांगल्या भोजनाचा आनंद घेतात, आणि वडील आम्हाला त्यांचे फोटो दाखवतात. मला खूप आनंद होतो की माझ्या वाढदिवसानिमित्त त्यांना चांगलं जेवण मिळतं.

मी किशोरवयात पोहोचल्यानंतर वाढदिवस साजरा करणं थांबवलं, पण मी वडिलांना मुलांना जेवण द्यायची परंपरा चालू ठेवायला सांगितलं. वाढदिवस साजरा करण्यापेक्षा कोणालातरी मदत करणे अधिक आनंददायक असते.

माझ्यासाठी वाढदिवस म्हणजे केवळ पार्टी नव्हे, तर स्मृती, गोड मित्र, आणि आनंद वाटण्याचा दिवस आहे!